Carballo ten unha das áreas empresariais con maior tamaño de Galicia, de máis de 1,2 km², con acceso directo á AG-55, que comunica co porto exterior de Punta Langosteira, a autoestrada A-6 e a cidade da Coruña. Nas súas instalacións acolle a asociación empresarial e o viveiro de empresas da Cámara de Comercio da Coruña, orientados á promoción económica. As principais actividades económicas deste concello son a construción, os servizos industriais e a loxística.