A economía de Rairiz de Veiga céntrase principalmente na actividade agrícola e gandeira, aínda que o sector da construción é tamén moi importante. A Xunta de Galicia busca dinamizar a súa actividade económica realizando talleres de emprego, como o realizado en 2021 cunha duración de 9 meses. A Consellería do Medio Rural declarou recentemente de utilidade pública novas zonas de concentración parcelaria neste concello co obxectivo de reorganizar o territorio para mellorar as condicións estruturais, técnicas e económicas das explotacións agrarias da zona.