A Xunta de Galicia dinamizará o Ourense suroriental, zona na que se encontra este concello, a través dun Plan integral para a súa recuperación, dinamización e posta en valor. As principais actividades económicas deste concello son a explotación agrícola e gandeira, a construción e o transporte.
No municipio atópase o polígono de Pousada que ten actualmente en exposición pública o seu parcelario e conta cun convenio asinado coa Consellería do Medio Rural para identificar, recuperar e promocionar a riqueza forestal impulsando o cultivo do castiñeiro e o aproveitamento das distintas variedades de froito a través do Centro de Desenvolvemento Agroforestal de Riós.