Con 203,1 km², Santa Comba é un dos concellos con maior superficie da provincia da Coruña. A súa economía está principalmente centrada no sector primario. No seu núcleo urbano celébranse algunhas das feiras máis importantes de Galicia, con todo tipo de produtos, como alimentos, maquinaria agrícola, téxtiles, mobiliario… Está en proxecto a ampliación do seu parque empresarial, que terá unha superficie aproximada de 204.000 metros cadrados.