Santiago de Compostela, 2 de xaneiro de 2026
A conselleira de Economía e Industria, María Jesús Lorenzana, mantivo estes días unha xuntanza de traballo coa alcaldesa de Ribeira, Mariola Sampedro, a quen lle trasladou o compromiso da Xunta co desenvolvemento de novo solo industrial no municipio.
O Concello de Ribeira traballa actualmente no proxecto para a construción do novo parque empresarial da Barbanza, moi necesario porque todo o solo dispoñible no polígono do Xarás está totalmente vendido e a demanda de parcelas por parte das empresas da zona é crecente.
Neste contexto, Lorenzana manifestou a vontade da Xunta de traballar da man do Concello para axilizar a posta en funcionamento deste novo parque empresarial.
