Concello da Comarca da Ulloa, unido con Santiago de Compostela pola estrada N-547. A súa economía está moi ligada ao sector servizos, para abastecer as demandas do Camiño de Santiago. O municipio conta cun parque empresarial que dispón xa de dúas fases urbanizadas, cunha superficie total de máis de 73.000 metros cadrados, e está previsto o desenvolvemento dunha ampliación correspondente á terceira fase, cun investimento que ascende a preto de 1,5 millóns de euros. A empresa Altri estuda a implantación no municipio dunha fábrica de fibras téxtiles, declarada como proxecto industrial estratéxico pola Xunta de Galicia.