A situación xeográfica de Ribadeo, no litoral da Mariña lucense, a súa condición de nó articulador das comunicacións por estrada con Asturias e a riqueza dos seus ecosistemas mariños e terrestres converten a este concello nun dos máis prósperos da súa provincia. En consonancia histórica co carácter comercial de Ribadeo e do impacto do Porto de Mirasol, o sector terciario mantense na actualidade como o principal motor da economía local.