O neuromarketing é unha disciplina que combina márketing e neurociencia para comprender como reaccionamos ante estímulos comerciais. Analiza como o noso cerebro procesa a información que recibe antes, durante e despois dunha compra. E o dato clave, máis do 85% das decisións de compra son inconscientes, é dicir, baseadas nas emocións e non na lóxica.
Identifícanse tres elementos principais que afectan á decisión de compra desde o punto de vista neurolóxico:
- As emocións. Se un estímulo esperta unha resposta emocional, o cerebro responde con maior rapidez. Isto tradúcese en compras máis impulsivas.
- A atención: O cliente só retén aquilo que lle parece relevante ou diferente. Os estímulos que se perciben como novos axudan na toma de decisións.
- A memoria: Se algo impacta emocionalmente, ten moitas máis posibilidades de permanecer na memoria a longo prazo.
Como inflúen os sentidos nas túas decisións de compra?
A música
A música ten un efecto directo no estado de ánimo. Os diferentes estilos musicais poden inducir sensacións de calma, urxencia, felicidade ou nostalxia. Se a música é lenta e suave, o cerebro interpreta que pode relaxarse, o que adoita prolongar a estancia nun espazo e fomentar compras máis pausadas. Se é rápida, activa e rítmica é útil para espazos con moita xente onde interesa unha rotación rápida de clientes.
O Olfacto
O olfacto provoca respostas emocionais instantáneas e intensas. Ademais, teñen un forte poder evocador, un aroma pode activar recordos ou sensacións do pasado, xerando vínculos afectivos que predispoñen á compra.
A percepción visual e a cor
As cores e as formas que rodean un produto inflúen na súa interpretación emocional. O cerebro procesa estas cores en milésimas de segundo e toma decisións sen pensar conscientemente nelas. Isto tamén se aplica á tipografía, á disposición dos elementos ou á iluminación.
Os prezos
A técnica dos prezos psicolóxicos baséase nun fenómeno chamado “efecto do díxito esquerdo”. O noso cerebro interpreta primeiro o número máis á esquerda, e asocia 9,99 € como máis barato que 10 €, aínda que só haxa un céntimo de diferenza.
A disposición dos produtos e o percorrido
Cando unha persoa entra nun establecemento, o seu cerebro activa un patrón exploratorio. Se o percorrido está deseñado para que o cliente pase por diferentes seccións antes de chegar ao produto principal, aumenta a exposición a estímulos. Isto, combinado con música e aromas adecuados, activa múltiples sentidos e incrementa a probabilidade de que merque algo que inicialmente non tiña previsto.
O desorde aparente e a percepción de oportunidade
En espazos onde os produtos están aparentemente desordenados, o cerebro interpreta que hai máis variedade ou que se poden atopar “gangas”. A percepción de escaseza xera que o cerebro responde mellor cando pensa que algo pode desaparecer ou esgotarse.
En resumo, o neuromárketing baséase en algo tan sinxelo como entender como pensamos e sentimos. Só tes que conseguir activar as emocións, captar a atención e quedar na memoria do teu cliente para lograr una resposta impulsiva e aumentar as túas ventas.
Podes aproveitar os servizos de asesoramento da Oficina Económica de Galicia para saber como poñer en funcionamento estratexias de neuromárketing e impulsar o crecemento do teu negocio. Só tes que cubrir o formulario en liña da nosa páxina web e unha persoa experta porase en contacto contigo.
