Unha gran diferenza entre ser un administrador é un empresario radica no momento en que cada un se converte en líder. O administrador é un líder que ten ao seu cargo unha empresa desde o momento en que toma o mando. Mentres que un empresario é xa un líder desde que inicia a aventura empresarial, aínda que esta no se encontre operativa.

Liderar unha peme implica tomar decisións constantes. Algunhas delas son operativas e rápidas, outras poden definir o futuro da empresa. Pero todas teñen algo en común: afectan directamente ao diñeiro. Por iso, a formación do líder non é un luxo nin un complemento, é unha ferramenta estratéxica.

Moitos emprendedores empezan por necesidade ou por paixón. Aprenden no camiño, a base de proba e error. Con caídas, golpes e esforzo que lles brinda a experiencia para a toma de decisións. E aínda que esta experiencia ten un valor enorme, chega un punto no que non basta coa intuición para tomar decisións económicas acertadas, fai falta criterio técnico. E ese criterio constrúese con formación.

Formarse como líder non significa facer un máster nin pasarse horas en clases teóricas. Significa dedicar tempo e atención a entender mellor as áreas clave do negocio: desde a xestión financeira ata a planificación estratéxica, desde a negociación con provedores ata a avaliación de riscos.

Por que é tan importante?

Unha formación como líder pode evitar decisións custosas, unha mala decisión por descoñecemento pode saír moito máis cara que unha inversión en formación. Entender conceptos como fluxo de caixa, custo de oportunidade ou punto de equilibrio pode evitar errores graves.

Ademais, coa formación correspondente, pódese facilitar o acceso a financiamento. Saber presentar o teu negocio con números claros, explicar a túa rendibilidade e defender a túa estratexia ante un banco ou inversor, marca unha gran diferenza.

A formación non só che dá respostas, tamén che axuda a facer as preguntas correctas. É este o momento de crecer? Podo asumir esta inversión?

E por suposto unha formación como líder empresarial permitirache mellorar a xestión do teu equipo. Un líder que entende de números pode aliñar mellor ao equipo cos obxectivos financeiros. Pode explicar metas, repartir responsabilidades e avaliar resultados con máis claridade.

Hoxe en día, existen moitas opcións accesibles: cursos curtos en liña, webinarios, obradoiros prácticos e programas de acompañamento pensados especificamente para emprendedores. Incluso un café cun bo asesor pode marcar unha diferencia.

Non o dubides e solicita os servizos gratuítos de asesoramento da Oficina Económica de Galicia e unha persoa experta porase en contacto contigo para axudarche.