A que se refire o concepto de ciclo de caixa?
Este termo refírese ao intervalo temporal entre o comezo do pago a provedores e o cobro final.
Que é un leasing?
O leasing ou arrendamento financeiro é unha forma de financiamento a longo prazo que consiste na cesión por parte dun financiador á empresa dun ben a cambio dunha cota periódica.
Como podo ampliar o capital social da miña empresa?
O capital social pode aumentarse de varias formas, en función de se o financiamento procede da propia empresa ou é alleo a ela (interno ou externo).
En que documento aparecen recollidos tanto os activos como os pasivos da miña empresa e como podo cuantificar o valor destes?
O documento no que aparecen recollidos tanto o Activo como o Pasivo denomínase Balance.
Cales son os elementos principais dun préstamo?
Os elementos principais dun préstamo son as partes, o importe, os xuros e as comisións.
Que é e para que serve o fondo de manobra da miña empresa?
O fondo de manobra é un instrumento que permite valorar a liquidez a curto prazo da túa empresa.
Que obrigas teño respecto á contabilidade da miña empresa?
Ademais de levar a contabilidade e elaborar os libros, debes conservalos durante seis anos desde o último asento.
Como se denominan as obrigas contraídas no desenvolvemento da actividade económica e que tipo de acredores temos respecto á natureza das débedas?
As obrigas contraídas pola empresa coñécense como Pasivo e os acredores poden ser comerciais e financeiros segundo o tipo de débeda contraída.
Como se denominan os bens e dereitos que posúe a miña empresa e como se diferencian en canto ao prazo no que se converten en liquidez?
Os bens e dereitos da empresa denomínanse Activos e clasifícanse en Activos Non Correntes e Activos Correntes.
Que é un préstamo?
É unha operación pola que unha entidade financeira cede unha cantidade de diñeiro e a cambio o que a recibe ten a obriga de devolvela nun prazo determinado.
