Á parte das formas máis coñecidas de préstamos, créditos e liñas de crédito, existen outros métodos para obter financiamento para a nosa empresa. Por unha banda, están as formas de financiamento interno, é dicir, coas recursos xerados pola propia empresa. Entre estes destacan os fondos de amortización, isto é, a acumulación de capital para facer fronte á perda de valor dun ben co paso do tempo (por exemplo, se mercamos unha máquina cunha vida útil de dez anos, que custou 20.000 euros e esperamos vender por 2.000 ao finalizar o seu servizo, iremos acumulando 1.800 euros anuais nun fondo para compensar a súa perda de valor); e os fondos de reserva, que son aqueles procedentes de beneficios non repartidos. A lei esixe ter unhas reservas mínimas, pero estas poden ampliarse estatutariamente ou se así o deciden os socios.
Outras formas de financiamento externo, distintas do préstamo e do crédito, son o leasing ou arrendamento financeiro, que permite obter bens de capital sen ter que facer grandes desembolsos iniciais nin comprometerse ao pago dun crédito; os descontos, nos que unha entidade financeira nos aboa pagarés pendentes descontando unha comisión; ou o factoring, que consiste na cesión de facturas non cobradas.
Nos últimos anos, están popularizándose novas formas de financiamento, como o crowdfunding ou micromecenado, que combina publicidade e financiamento sen xerar endebedamento; ou os business angels, unha especie de titores empresariais que, ademais de financiamento, involúcranse no proxecto achegando a súa experiencia, coñecemento, tempo, etc.
Non o dubides solicita o asesoramento dos nosos expertos.
CC Xunta de Galicia. Información mantida e publicada en Internet pola Xunta de Galicia
