Os principais requisitos están definidos no RD 1007/2023, modificado polo RD 254/2025, e desenvolvidos tecnicamente na Orde HAC/1177/2024. Algúns dos máis relevantes son:
Requisitos técnicos e funcionais do software:
- Xerar rexistros de facturación estandarizados, cos campos obrigatorios definidos (emisor, receptor, importes, impostos, etc.).
- Firma dixital ou código hash encadeado, para garantir integridade e inalterabilidade.
- Rexistro de eventos, que documente calquera modificación, anulación ou cancelación da factura.
- Prohibición de alteración posterior dos datos.
- Documento denominado “rexistro de alta da factura”, que recolle os datos clave da operación.
- Exportación de rexistros en formato estruturado (XML/JSON) para inspeccións.
- Posibilidade de conexión coa AEAT (se se desexa usar VERI*FACTU).
Só se poden usar programas certificados polo fabricante ou desenvolvedor, declarando expresamente o cumprimento da normativa.
Se precisas asesoramento gratuíto, podes solicitalo a través desta ligazón.
