O control orzamentario é unha ferramenta fundamental na xestión financeira da nosa empresa, debemos ter en conta que a elaboración dos orzamentos futuros supón un elevado grao de incerteza, é por isto polo que os orzamentos non se fan para ver se acertamos ou non coas nosas predicións, en realidade, confeccionámolos para cuantificar o que cremos que vai pasar no futuro.
Así, poderemos tomar decisións a tempo para tentar incidir sobre o futuro da nosa empresa e lograr que sexa máis favorable.
O control orzamentario tamén nos serve para ver a evolución do negocio ao comparar o previsto co real.
Que necesitamos para confeccionar os nosos orzamentos?
- Determinar cales son os obxectivos da nosa empresa.
- Especificar de que medios dispoñemos para lograr eses obxectivos (persoal, maquinaria, etc.)
Cal é o proceso para elaborar o noso orzamento anual?
Este proceso implica a recompilación de datos históricos, proxeccións de ingresos e gastos, e a participación dos diferentes departamentos para asegurar que o orzamento reflicte a realidade da empresa.
Iniciarémolo co orzamento de vendas, nel detallaremos as vendas anuais por meses e por produtos ou servizos. Para iso podemos estudar as vendas dos exercicios anteriores, realizar estudos de mercado para coñecer o sector, aos clientes etc. É un orzamento que está relacionado coa parte comercial da empresa.
A continuación, elaboramos os seguintes orzamentos:
- Orzamento de produción de produtos: determinaremos o número de unidades que se van a producir nun ano.
- Orzamento de consumos, compras… a partir da produción prevista, debemos determinar o consumo previsto.
- Orzamento de man de obra directa e doutros gastos de produción: a partir dos datos de anos anteriores, determinamos as necesidades de man de obra directa en tempo.
- Orzamento de gastos de estrutura: estimamos aqueles custos que o negocio ten de forma recorrente, serían os gastos fixos.
- Orzamento de gastos de comercialización: comisións, transportes etc.
Unha vez elaborados os orzamentos anteriores, integrariámolos obtendo así unha conta de perdas e ganancias provisional. Así obteriamos unha estimación do resultado futuro da nosa empresa.
Unha vez que o orzamento está en marcha, é crucial realizar un seguimento regular dos resultados. Isto implica comparar os gastos reais cos orzados e analizar as variacións que se produzan.
O control orzamentario é esencial por varias razóns:
1. Planificación financeira
Permite ás empresas establecer metas financeiras claras e definir como alcanzalas. Un orzamento ben elaborado actúa como un mapa que guía á organización no seu camiño cara ao éxito.
2. Toma de decisións
Proporciona información valiosa que axuda aos xerentes para tomar decisións informadas. Ao analizar as variacións entre o orzamento e os resultados reais, pódense identificar áreas que requiren atención e axustar as súas estratexias en consecuencia.
3. Control de custos
Facilita o seguimento dos gastos, o que axuda a previr desviacións significativas do orzamento. Isto é crucial para manter a rendibilidade e evitar problemas financeiros.
4. Responsabilidade
Fomenta a rendición de contas dentro da organización. Ao asignar orzamentos a diferentes departamentos ou proxectos, establécese un sentido de responsabilidade nos xerentes e empregados, quen debe xustificar os seus gastos.
5. Avaliación do desempeño
Permite avaliar o desempeño financeiro da empresa. Ao comparar os resultados reais cos orzados, pódense identificar tendencias e áreas de mellora.
En resumo, o control orzamentario é unha ferramenta fundamental na xestión financeira de calquera empresa, independentemente do seu tamaño ou sector. Este proceso implica a planificación, execución e seguimento dos orzamentos, permitindo ás organizacións manter un equilibrio entre os seus ingresos e gastos, así como alcanzar os seus obxectivos estratéxicos.
Se necesitas axuda dunha persoa experta, só tes que solicitar os asesoramentos gratuítos da Oficina Económica de Galicia.
